5.4 Cur Chuige Praiticiúil

Déantar cur síos i dtosach ar roinnt gnéithe den teicneolaíocht a bhain leis an obair. Bhí comhad de 300 tacar de chomhchiallaigh le haistriú ag an taighdeoir, i.e. 300 ceannfhocal Gaeilge lena gcomhchiallaigh agus lena ngluaiseanna Béarla ó Wordnet®. Bhí an comhad sin i bhfoirm comhad PoEdit, clár catalóige Gettext atá eisithe faoi cheadúnas foinse oscailte. Go bunúsach is breisiú den teanga scriptithe gréasáin PHP é. Tá cuimhne aistriúcháin mar chuid de agus úsáidtear PoEdit go minic i dtionscadail foinse oscailte chun teachtaireachtaí agus teaghráin a aistriú le go mbeidh siad ar fáil sa chomhéadan úsáideora i dteangacha éagsúla (PoEdit, 2010). Léirítear i bhfíor 5 an chaoi a n-éascaíonn PoEdit na gluaiseanna Béarla a choimeád lena dtacair féin, iad a aistriú go Gaeilge agus a chur ar ais sa bhunachar LSG ansin.

Fíor 5: Gabháil scáileáin den ríomhchlár PoEdit

Ar mhaithe le cúrsaí priontála don tráchtas seo, áfach, socraíodh an téacs a thabhairt isteach go comhad Word le go mbeadh an buntéacs agus an t-aistriúchán leagtha amach go soiléir ar phár. Baineadh úsáid as an ríomhchlár aistriúcháin Trados agus aistriúchán á dhéanamh ar na gluaiseanna chun ord agus eagar a choimeád ar an obair. Agus an leagan deiridh den aistriúchán socraithe agus glanta, cuireadh na gluaiseanna a bhí aistrithe go Gaeilge ar ais lena n-aonaid laistigh den chomhad PoEdit. Seoladh an t-aistriúchán ar ais chuig stiúrthóir LSG san fhoirm sin, le faomhadh agus le cur le bunachar LSG. Tá an t-aistriúchán a bhí oiriúnaithe do phár le feiceáil i gCaibidil 4.

Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s