2.4.1 Fadhbanna le foclóirí aonteangacha

Mar atá luaite cheana féin, is le mic léinn agus le foghlaimeoirí atá formhór an taighde ar úsáid foclóirí déanta go dtí seo. Ní fhreagraíonn sé ceisteanna a bhaineann le daoine atá go hiomlán cumasach sa teanga. In ainneoin sin, déanfar cur síos ar phointí suimiúla a tháinig chun cinn sa litríocht a bhaineann le foghlaimeoirí.

Dar le Scholfield (2008: 3) is í an fhadhb is bunúsaí d’fhoghlaimeoirí teanga maidir le foclóir aonteangach a úsáid ná nach mbíonn na sainmhínithe ar na ceannfhocail sothuigthe dóibh. Is follasach gur tugadh aghaidh ar an bpointe sin san Fhoclóir Beag. Tá an fhaisnéis tugtha leis na sainmhínithe san Fhoclóir Beag iontach soiléir agus gonta. Tugtar sampla amháin anseo leis an bhfocal ‘rialtas’

rialtas [ainmfhocal firinscneach den chéad díochlaonadh] grúpa daoine a cheaptar chun tír a rialú; an rialú a dhéanann siadsan; córas rialaithe (rialtas daonlathach)

Dá mbeadh foghlaimeoir Béarla ag cuardach ‘government’ san Oxford English Dictionary (OED) gheobhadh sé breis is 3000 focal sna torthaí – naoi n-iontráil éagsúla, agus fo-rangú aibítreach déanta arís faoi gach iontráil chomh maith. Is é an chéad iontráil ann:

1. The action of governing (see senses of the vb.). a. The action of ruling; continuous exercise of authority over the action of subjects or inferiors; authoritative direction or regulation; control, rule.

Dar leis an taighdeoir tá an fhoclaíocht san Fhoclóir Beag i bhfad níos sothuigthe agus níos úsáidí don fhoghlaimeoir ná an fhoclaíocht tugtha san OED.

Fadhb choitianta eile a luann Scholfield leis an bhfoclóir aonteangach is ea an chaoi nach mbíonn an t-eolas eagraithe ar bhealach sách soiléir don tsúil agus níl sé éasca don úsáideoir an t-eolas atá uaidh a aimsiú:

“I am sure what most puts a learner off the use of monolingual dictionaries is the sheer mass of condensed target language text in monolingual entries and the daunting prospect of wading through this picking out the numbered definitions and checking each one to find the right one.” (Scholfield, 2008: 4)

Tá an fhadhb sin rí-fhollasach sa sampla thuas san OED. Éiríonn duine tuirseach tar éis am a chaitheamh ag scagadh trí leathanaigh lán d’eolais. Tá sé tábhachtach go mbeadh an t-eolas eagraithe agus leagtha amach don úsáideoir ar bhealach soiléir, ciallmhar, agus mealltach don tsúil.

Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s